Ўзбекистоннинг марказий вилоятиларида 8 май, якшанба куни қисқа муддатли ёғингарчилик кузатилиши мумкин, дея хабар бермоқда «Ўзгидромет» маркази.
Хабар беришларича, 8 майга ўтар кечаси Ўзбекистоннинг тоғли ҳудудларида +7...+12 даража, Қорақалпоғистон Республикаси ва Хоразм вилоятида +12...+17 даража илиқ бўлади. Тошкент шаҳрида, шунингдек, Тошкент, Самарқанд, Жиззах, Сирдарё, Андижон, Наманган, Фарғона вилоятларида +19 даражагача, Бухоро ва Навоий вилоятларида +22 даражагача, Қашқадарё ва Сурхондарё вилоятларида эса +23 даражагача илиқ бўлиши кутилмоқда.
8 май куни кундузи Ўзбекистоннинг тоғли ҳудудларида ҳаво ҳарорати +17...+22 даража илиқ бўлади. Қорақалпоғистон Республикаси ва Хоразм вилоятида ҳаво ҳарорати +28 даражагача, Фарғона водийси вилоятларида +30 даражагача, Тошкент шаҳрида +32 даражагача, Тошкент, Самарқанд, Жиззах, Сирдарё вилоятларининг айрим ҳудудларида +33 даражагача, Бухоро ва Навоий вилоятларида +35 даражагача, Қашқадарё ва Сурхондарё вилоятларида эса +37 даражагача кўтарилиши мумкин.
Тошкент шаҳрида 8 майга ўтар кечаси ва 8 май куни куннинг иккинчи ярмида қисқа муддатли ёғингарчилик кузатилиши, момақалдироқ бўлиши мумкин. Шунингдек, Тошкент, Жиззах ва Сирдарё вилоятларида ҳам қисқа муддатли ёмғир ёғиши ва момақалдироқ бўлиши ҳақида хабар берилмоқда.