Klaudio Ranyeri: “Lester” futbolchilari Angliya chempionatida g‘olib bo‘lishga munosib edi

“Lester” klubi bosh murabbiyi Klaudio Ranyeri jamoasining muddatidan avval Angliya chempioni bo‘lganligi munosabati bilan o‘z fikrlari bilan o‘rtoqlashdi, deb xabar bermoqda “Chempionat”.

“Men juda mag‘rurman. Jamoa futbolchilari, klub rahbariyati, murabbiylar shtabi va barcha muxlislari uchun xursandman. Barcha uchun mamnunman. Jamoani qabul qilganimda bunday natijaga erishishni kutmagandim. Men pragmatik insonman, shunchaki jamoa o‘yindan o‘yinga g‘alaba qozonishini, futbolchilar o‘z o‘yinini yaxshilashini xohlagandim. ‘Lester’ futbolchilari fantastik futbol namoyish qildi. O‘yinchilarning diqqat-e’tibori, qat’iyati va ruhi evaziga muvaffaqiyat qozondik. Ular har bir o‘yinda bir-biri uchun kurashadi va buni ko‘rish men uchun yoqimli. Yigitlar ushbu g‘alabaga munosib edi”, — dedi italiyalik mutaxassis.

Mavzuga oid:

• FIFA, Italiya bosh vaziri va bir qator Yevropa klublari “Lester”ni chempionlik bilan tabrikladi
• Klaudio Ranyeri Italiya, Ispaniya va Angliyada sovringa ega chiqqan 4-murabbiy bo‘ldi
• “Lester” Premyer-ligadagi g‘alabasi uchun 190 mln yevro ishlab oladi