Suriyalik qochoqlar oilasidan chiqqan qizcha Braziliyada olimpiada mash’ali estafetasida qatnashadi

Braziliyadagi olimpiada mash’ali estafetasining ilk ishtirokchilaridan biri suriyalik qochoqlar oilasidan chiqqan 12 yoshli Xanan Xaled Dakka bo‘ladi. Bu haqda musobaqa tashkilotchilari ma’lum qildi, deb yozadi “TASS”.

Qizcha va uning oilasi Suriya shimoli-sharqidagi Idlib shahrida fuqarolar urushi qamrab olgan tumanlardan birida yashagan. Ular biroz vaqt Iordaniyadagi qochoqlar lagerida turgan, so‘ng Braziliyaga kelib, San-Pauluga joylashgan.

Braziliyada olimpiada mash’ali estafetasini ochish sharafi voleybol bo‘yicha milliy terma tarkibida ikki karra olimpiada chempioni bo‘lgan Fabiana Klaudinoga taqdim etildi.

Olimpiada mash’ali estafetasi 3-may kuni mamlakat poytaxti Braziliada start oladi.