Meizu kompaniyasi yangi M3 smartfonini taqdim etdi, deya xabar bermoqda “Hi-tech.mail.ru”. Gadjet 3 gigabaytgacha tezkor xotira, shuningdek, Xitoy o‘lchovlariga ko‘ra ixcham 5 dyuymli ekranga ega.
Meilan seriyasiga kiritilgan smartfon qo‘sh quyma plastik (rangli qatlam shaffofining ustidan qoplanadi) korpus hamda toblangan 2,5D-shisha bilan himoyalangan 1280×720 pikselli ekran bilan ta’minlandi.
M3 sakkiz yadroli MediaTek MT6750 chipseti asosiga qurilgan. Tayanch modifikatsiyada 2 Gb, top modifikatsiyada esa 3 Gb tezkor xotira bo‘ladi, ichki xotira hajmi esa 16 yoki 32 gigabaytni tashkil qiladi. Unga 128 gigabaytgacha bo‘lgan hajmli microSD xotira kartasini o‘rnatish mumkin.
Meizu M3 13 megapikselli asosiy va 5 megapikselli old kameraga ega. Akkumulyatori sig‘imi 2870 mA/s. Smartfon Android bazasidagi Flyme OS qobig‘iga ega YunOS operatsion tizimida ishlaydi.
Xitoyda yangi qurilma 29-apreldanoq sotuvga chiqadi. Tayanch versiyasi (2 Gb tezkor va 16 Gb ichki xotira) 599 yuan (92 dollar), top versiyasi (3 Gb tezkor, 32 Gb ichki xotira) esa 799 yuan (122 dollar)dan sotiladi.
Izoh (0)