Apple Xitoyda hukumat talabi bilan kinoservis va kitob do‘konini yopdi

Xitoyda Apple’ning iBooks Store va iTunes Movies servislari yopildi, deya xabar bermoqda Meduza. Qaror 2016-yil martda kuchga kirgan internetga kontent joylashtirishning yangi qoidalari bilan bog‘liq.

The New York Times manbalariga ko‘ra, servislarni Apple kompaniyasining o‘zi bloklab qo‘ygan, unga matbuot, kitob nashriyoti, radio, kino va televideniye ishlari bo‘yicha Xitoy davlat ma’muriyati murojaat qilgan.

Boshqa texnologik kompaniyalar cheklovlarga duch kelgan bo‘lsa-da, Apple shu vaqtgacha Xitoyda blokirovkadan qutulib qolishga muvaffaq bo‘lgan edi.