Ўзбекистонда Sony компаниясининг SmartBand (SWR10) фитнес-трекери сотила бошлади, деб ёзади «Mobinfo.uz». Sony’нинг «ақлли» браслетидаги асосий ўзига хослик Core кўчма моделидан иборат, у пульсни ўлчаш, калорияларни, босилган қадамларни ҳисоблаш, уйқу циклини назорат қилишга қодир бўлган юқори технологияли датчикларни ўз ичига олади.
SmartBand’нинг смартфонлар билан синхронлашуви Bluetooth орқали амалга ошади. Шунингдек, фойдаланувчи Sony Entertainment Network’да аккаунтга эга бўлиши керак. Қўнғироқ бўлганида ёки SMS ва ижтимоий тармоқлардан билдиришномалар келганида, билагузук вибрацияли сигнал беради.
Бундан ташқари, қурилма ўз хотирасига эга, аммо у асосан датчиклардан олинган маълумотлар сақланиши учун мўлжалланган. Қурилмадаги барча маълумотлар Android бошқарувидаги смартфонга кўчирилади, шундан сўнг Lifelog дастури фойдаланувчининг жисмоний фаоллиги ҳақидаги ахборотни солиштиради.
Пойтахт бозорида SmartBand фитнес-трекери 448 минг сўмга таклиф қилинмоқда.
Ушбу қурилмани кўрсатилган нархда сотиб олишга «Дарё» нашри кафолат бермайди. Қурилма ва унинг нархи ҳақидаги ахборот фақат танишиш учун тақдим этилган.
Изоҳ (0)