Avstraliyaning mashhur Channel 9 telekanalining to‘rt nafar telejurnalisti va Avstraliya fuqarosi Salli Folkner Livanning Baabd shahrida qamoqdan ozod etildi, deb yozadi “TASS”. Ular bolalarni o‘g‘irlashda ayblangan edi, ammo da’volashuv sudgacha hal bo‘lgani tufayli, ular ozodlikka chiqarildi.
Associated Press ma’lumotlariga ko‘ra, uch va besh yoshli bolalarning otasi livanlik Ali Elamin sobiq xotini Salli Folkner va Channel 9 jurnalistlariga nisbatan ilgari surilgan ayblovlardan voz kechgan, chunki “farzandlari ularning onasini qamoqda u tutib turibdi deb o‘ylashini istamagan”. Ozod etilgan besh kishini qamoqxona eshigi tashqarisida mashina kutib turgan va ularni Avstraliyaning Bayrutdagi elchixonasiga olib ketgan.
Panjara ortida “bolalarning o‘g‘irlanishi bilan bog‘liq ish”ga aloqador bo‘lgan yana to‘rt kishi qolmoqda, ularning ikki nafari Buyuk Britaniya va yana ikki nafari Livan fuqarosidir.
Avstraliyalik jurnalistlar aprel boshida Livanga borib, brisbenlik Salli Folkner va ikki farzandining qaytishi haqida syujet suratga olmoqchi bo‘lgan, bolalarni, ayolning aytishicha, ularning otasi — Elamin Avstraliyadan aldov yo‘li bilan chiqarib ketgan. Dastlab Folkner o‘z mamlakatining tashqi ishlar vazirligiga murojaat qilgan, foyda bo‘lmagach, xususiy harbiy kampaniya xizmatidan foydalanishga qaror qilgan. Livan OAVlari xabariga ko‘ra, xususiy harbiy kampaniya kuppa-kunduzi bolalarni buvisining uyidan o‘g‘irlab ketgan va yashiringan. Shundan so‘ng ishga politsiya aralashgan va bolalarni qidirib, Folknerni va keyinroq avstraliyalik jurnalistlarni ham hibsga olgan, bolalar otasiga qaytarilgan.
Izoh (0)