Австралиянинг машҳур Channel 9 телеканалининг тўрт нафар тележурналисти ва Австралия фуқароси Салли Фолкнер Ливаннинг Баабд шаҳрида қамоқдан озод этилди, деб ёзади «ТАСС». Улар болаларни ўғирлашда айбланган эди, аммо даъволашув судгача ҳал бўлгани туфайли, улар озодликка чиқарилди.
Associated Press маълумотларига кўра, уч ва беш ёшли болаларнинг отаси ливанлик Али Эламин собиқ хотини Салли Фолкнер ва Channel 9 журналистларига нисбатан илгари сурилган айбловлардан воз кечган, чунки «фарзандлари уларнинг онасини қамоқда у тутиб турибди деб ўйлашини истамаган». Озод этилган беш кишини қамоқхона эшиги ташқарисида машина кутиб турган ва уларни Австралиянинг Байрутдаги элчихонасига олиб кетган.
Панжара ортида «болаларнинг ўғирланиши билан боғлиқ иш»га алоқадор бўлган яна тўрт киши қолмоқда, уларнинг икки нафари Буюк Британия ва яна икки нафари Ливан фуқаросидир.
Австралиялик журналистлар апрель бошида Ливанга бориб, брисбенлик Салли Фолкнер ва икки фарзандининг қайтиши ҳақида сюжет суратга олмоқчи бўлган, болаларни, аёлнинг айтишича, уларнинг отаси — Эламин Австралиядан алдов йўли билан чиқариб кетган. Дастлаб Фолкнер ўз мамлакатининг ташқи ишлар вазирлигига мурожаат қилган, фойда бўлмагач, хусусий ҳарбий кампания хизматидан фойдаланишга қарор қилган. Ливан ОАВлари хабарига кўра, хусусий ҳарбий кампания куппа-кундузи болаларни бувисининг уйидан ўғирлаб кетган ва яширинган. Шундан сўнг ишга полиция аралашган ва болаларни қидириб, Фолкнерни ва кейинроқ австралиялик журналистларни ҳам ҳибсга олган, болалар отасига қайтарилган.
Изоҳ (0)