Yaponiya janubi-g‘arbidagi “sirli ko‘pik” yong‘inga qarshi vosita bo‘lib chiqdi

Yaponiya janubi-g‘arbidagi zilzilalardan so‘ng ko‘chalarda paydo bo‘lgan “sirli ko‘pik” Fukuoka shahridagi maxsus rezervuardan 16-aprel, shanba kuni sizib chiqqan yong‘inga qarshi vosita bo‘lib chiqdi. Bu haqda Fukuoka prefekturasi yong‘inga qarshi kurash boshqarmasi hisobotida ma’lum qilindi, deb xabar beradi “TASS”.

Hodisa mamlakat janubi-g‘arbini oxirgi uch kundan beri larzaga solayotgan ko‘p sonli yer osti silkinishlaridan birining asorati bo‘ldi. Fukuokadagi yong‘inga qarshi aralashma rezervuarida yoriq paydo bo‘lib, undagi ko‘pik ko‘chaga sizib chiqdi. Ko‘pik qoplagan ko‘cha suratlari Twitter’ning Yaponiyadagi segmenti orqali tarqalib ketdi; ko‘pchilik foydalanuvchilar ularda hodisa joyini ko‘rsatmagani sababli bunday holatlar ommaviy ro‘y berayotgandek taassurot hosil bo‘ldi.