Latviyada 17-aprel, yakshanba kuni Summer Shield XIII xalqaro harbiy mashg‘ulotlari boshlandi. Ularda Latviya, Litva, AQSh, Kanada, Finlyandiya va Germaniyaning 1300 nafardan oshiq harbiy xizmatchisi ishtirok etmoqda. Bu haqda mamlakat mudofaa vazirligi matbuot xizmati ma’lum qildi, deb xabar beradi “TASS”.
Mashqlar Adajidagi harbiy poligon hamda unga tutash hududlarda o‘tkaziladi va 29-aprelga qadar davom etadi. Ulardan ko‘zda tutilgan asosiy maqsad batalon va brigadalar darajasida jangovar operatsiyalar o‘tkazish malakasini oshirishdan iborat.
Summer Shield Latviyada 2004-yildan beri o‘tkazib kelinadi, 2014-yildan boshlab esa NATOning o‘quv rejasiga kiritilgan va ularda alyansga a’zo barcha davlat vakillari qatnashishi mumkin.
Izoh (0)