13-aprelning e’tiborga molik yangiliklari — “Daryo”ning kechki dayjestida.
1. O‘zbekistonda meva-sabzavotga davlat buyurtmasi joriy etildi. Ho‘l meva-sabzavot, kartoshka, poliz mahsulotlari va uzum fermer va dehqon xo‘jaliklaridan kelishilgan, bozor narxlarida xarid qilinadi.
2. O‘zbekistonda 16—20-aprel kunlari kuchli yog‘ingarchilik kuzatiladi. Bundan tashqari, 16—17-aprel kunlari butun O‘zbekiston bo‘ylab shamolning tezligi soniyasiga 7—12 metrdan 15—20 metrgacha kuchayishi kutilmoqda.
3. QarDU professori Shokir Davlatov: Men topgan yechim xalqaro miqyosda tan olinmagunicha, bu haqda ma’lumot berishni istamayman. Avvalroq Qarshi davlat universiteti matematika kafedrasi professor-o‘qituvchisi Shokir Davlatov mingyillikning oltinchi masalasiga yechim topgani haqida xabar berilgan edi.
4. Singapur Gonkongni ortda qoldirib, Osiyoning eng yirik moliyaviy markazi deb topildi. Jahon moliyaviy markazi maqomini London o‘zida saqlab qoldi.
5. Xonanda Kaniza nikohdan o‘tdi, biroq to‘y sanasini yashiryapti. Avvalroq Kaniza 28-aprel kuni “Istiqlol” san’at saroyi sahnasida turmushga chiqaman, deb e’lon qilgan edi.
Izoh (0)