Toshkentning Sirg‘ali tumanida yashovchilar Yagona interaktiv davlat xizmatlari portalida FHDYo idorasiga nikoh va chaqaloqni ro‘yxatdan o‘tkazish uchun elektron buyurtma berishi mumkin. Bu haqda Norma xabar bermoqda.
Davlat portali orqali ariza berish uchun fuqaro unda ro‘yxatdan o‘tishi va kerakli barcha hujjatlarni elektron tarzda taqdim etishi zarur. O‘zbekiston Respublikasi Adliya vazirligining yangi xizmatlari mohiyatan elektron navbatga turishdan iborat.
Portal orqali tushgan ariza FHDYo xodimlari tomonidan bir ish kunida ko‘rib chiqiladi va arizachining elektron pochtasiga idora rahbari qabul qiladigan vaqt va joy haqidagi bildirishnoma yuboriladi. Bildirishnomani olgandan so‘ng arizachi FHDYoga hujjatlar asli bilan shaxsan uchrashi va davlat bojini to‘lashi zarur.
Izoh (0)