Мева-сабзавот учун давлат буюртмаси, кутилаётган кучли ёғингарчилик, никоҳдан ўтиб, тўй кунини яшираётган Каниза ва куннинг бошқа муҳим хабарлари

13 апрелнинг эътиборга молик янгиликлари — «Дарё»нинг кечки дайжестида.

1. Ўзбекистонда мева-сабзавотга давлат буюртмаси жорий этилди. Ҳўл мева-сабзавот, картошка, полиз маҳсулотлари ва узум фермер ва деҳқон хўжаликларидан келишилган, бозор нархларида харид қилинади.

2. Ўзбекистонда 16—20 апрель кунлари кучли ёғингарчилик кузатилади. Бундан ташқари, 16—17 апрель кунлари бутун Ўзбекистон бўйлаб шамолнинг тезлиги сониясига 7—12 метрдан 15—20 метргача кучайиши кутилмоқда.

3. ҚарДУ профессори Шокир Давлатов: Мен топган ечим халқаро миқёсда тан олинмагунича, бу ҳақда маълумот беришни истамайман. Аввалроқ Қарши давлат университети математика кафедраси профессор-ўқитувчиси Шокир Давлатов мингйилликнинг олтинчи масаласига ечим топгани ҳақида хабар берилган эди.

4. Сингапур Гонконгни ортда қолдириб, Осиёнинг энг йирик молиявий маркази деб топилди. Жаҳон молиявий маркази мақомини Лондон ўзида сақлаб қолди.

5. Хонанда Каниза никоҳдан ўтди, бироқ тўй санасини яширяпти. Аввалроқ Каниза 28 апрель куни «Истиқлол» санъат саройи саҳнасида турмушга чиқаман, деб эълон қилган эди.