Buyuk Britaniya bosh vaziri Devid Kemeron marhum otasi Iyen Kemeron asos solgan Blairmore Investment Trust ofshor kompaniyasi aksiyalariga egalik qilgani va ular daromad keltirganini tan oldi. Bu haqda Meduza xabar bermoqda.
Kemeronning aytishicha, u va uning rafiqasi 1997-yildan 2010-yil yanvariga qadar (may oyida Kemeron bosh vazir bo‘lgan) Blairmore Investment Trust kompaniyasining 5 mingta aksiyasiga egalik qilgan. Ular 12,5 ming funtga xarid qilingan va 31,5 ming funtga sotib yuborilgan. Olingan yillik dividendlar deklaratsiya qilingan va daromad solig‘i to‘langan.
Bosh vazir aksiyalarga egalik qilish uning uchun “tabiiy” bo‘lgani, chunki otasi brokerlik bilan shug‘ullanganini ma’lum qildi. “Ularning barchasini 2010-yilda sotib yuborganman, chunki bosh vazir lavozimini egallash arafasida edim va biror kishi boshqa manfaatlarim borligi haqida gapirishini istamasdim”, — deya ta’kidlagan Kemeron.
Izoh (0)