Apple 2008-yildan beri AQShdagi tergov idoralariga 70 dan ziyod iPhone smartfonidagi ma’lumotlarni olishda yordam bergan. Keyingi paytlardagi 13 ta holatda esa korporatsiya bundan bosh tortgan. Bu haqda The Wall Street Journal ma’lum qildi, deya xabar beradi “TASS”.
Ushbu ma’lumotlar Apple korporatsiyaning AQSh adliya vazirligi bilan tortishuvi ko‘rib chiqilgan Riversayd shahri sudiga taqdim etgan materiallarga asoslangan. Ularga ko‘ra, rasmiylar ilk bor smartfon ma’lumotlariga kirishda yordam so‘rab, 2008-yilda murojaat etgan va tomonlarning o‘zaro hamkorligi 2013-yilga qadar davom etgan.
Nashrning bildirishicha, Edvard Snouden AQSh maxsus xizmatlarining elektron kuzatuv uslublari, xususan, xorij rahbarlari muloqotlari eshitib borganligini oshkor etgach, Apple “mahsulotlari himoyasi darajasini oshirgan va AQSh rasmiylari so‘rovlariga tanqidiy ko‘z bilan qaray boshlagan”.
Izoh (0)