FlyDubai компаниясининг Boeing 737 самолёти Ростов-Донда соатига 600 километрдан зиёд тезликда, 50 даражадан ошиқ қияликда қулаган. Бу ҳақда Давлатлараро авиация қўмитаси (ДАҚ) маълум қилди, дея хабар беради «РИА Новости».
«Биринчи қўниш жараёнида, 340 метр баландликда борт тизимидан шамол кучи ва йўналишининг кескин ўзгаргани ҳақида маълумот олгач, экипаж иккинчи айланага кетиш тўғрисида қарор қабул қилган ва об-ҳаво ўнгланишини кутиб, аэропорт ҳудудида парвозни давом эттирган. Қайта қўнишга уриниш чоғида, 220 метр баландликда, учиш-қўниш майдонига 4 километр қолганида экипаж самолётни яна кўкка кўтариб, двигателларни парвоз тартибига ўтказади», — дейилади ДАҚ хабарида.
Қўмитанинг билдиришича, экипажнинг келгуси ҳаракатлари ҳаво кемасининг ер билан тўқнашувининг олдини ололмаган ва соатига 600 километр тезликда фожиа юз берган.
Изоҳ (0)