Facebook 6-aprel, chorshanbadan boshlab barcha foydalanuvchilar uchun yangi xizmat — to‘g‘ridan-to‘g‘ri videotranslyatsiyani ishga tushirdi. Bu haqda ijtimoiy tarmoq asoschisi Mark Sukerberg o‘z sahifasi orqali ma’lum qilgan, deya xabar beradi “TASS”.
“Videoroliklarni yaratish, ular bilan almashish va real vaqtda ko‘rish imkonini beruvchi Facebook Live xizmatini ishga tushirmoqdamiz. Bu xuddi cho‘ntagingizda har doim videokamera bordek gap. Endi telefoni bor har qanday inson dunyo bo‘yicha istalgan kishisi bilan videoaloqaga chiqishi mumkin”, — deya ta’kidlagan Sukerberg.
Facebook asoschisi yaqin orada o‘z sahifasi orqali unga obuna bo‘lganlar bilan to‘g‘ridan-to‘g‘ri efirga chiqib, videotranslyatsiya imkoniyatlarini shaxsan namoyish etish va kompaniyaning yangi xizmati haqidagi barcha savollarga javob berishni va’da qildi.
Izoh (0)