“Daryo” internet-nashrining Android operatsion tizimida ishlovchi qurilmalar uchun mo‘ljallangan mobil dasturini AndroidBozor’dan — TAS-IX hududida yuqori tezlikda va trafikni yo‘qotmasdan ko‘chirib olish imkoni paydo bo‘ldi.
AndroidBozor — O‘zbekistondagi hali juda yosh, biroq kuch va g‘ayratga to‘la, rivojlanishda davom etayotgan startap-loyiha bo‘lib, Android operatsion tizimi uchun mo‘ljallangan mobil dasturlarni TAS-IX hududida ko‘chirib olish imkonini taqdim etadi.
AndroidBozor’ga joylashtirilgan mobil dasturlarning bir qismi loyiha ta’sischi — Smart Soft Development kompaniyasi tomonidan ishlab chiqilgan, qolgani esa boshqa kompaniyalarning ishlanmalaridir. Ba’zi dasturlarni ko‘chirib olish pullik bo‘lsa, aksariyat mobil dasturlar, xususan, “Daryo” mobil dasturini bepul yuklab olish mumkin.
“Daryo”ning Android uchun ilovasi O‘zbekistondagi eng ommabop OAV mobil dasturi bo‘lib, Google Play ma’lumotiga ko‘ra, 100 ming martadan ko‘proq yuklab olingan, 5-aprel holatiga ko‘ra o‘zbekistonlik androidchilar tomonidan eng ko‘p yuklab olinayotgan 20 mobil dasturdan biri hisoblanadi.
“Daryo” internet-nashri o‘z mobil dasturlarini yanada mukammal ko‘rinishga keltirish ustida ishlamoqda. Xususan, dasturning so‘nggi yangilanishidan so‘ng fotogalereyalar va xabarlarga ilova qilingan fotosuratlarni ko‘rish jarayoni qulaylashdi, xabarga ilova qilingan fotosuratlardan birini tanlab, xabardagi barcha suratlarni slayd-shou shaklida ketma-ket ko‘rish imkoniyati qo‘shildi.
“Daryo”ning Android operatsion tizimi uchun mo‘ljallangan mobil dasturini AndroidBozor’dan yuklab oling va yangiliklar daryosidan chetda qolmang!
Izoh (0)