Facebook Inc.’ga tegishli ommabop WhatsApp messenjeri xabarlarning barcha turlari, jumladan, guruh suhbatlariga ikki tomoni ochiq shifr (End-to-End Encryption, ma’lumotlarni uzatishning shunday usuliki, unda xabarlarni muloqotga kirishgan foydalanuvchilargina o‘qiy oladi) joriy qildi, deb yozadi “Interfaks”.
Ikki tomoni ochiq shifr barcha xabarlar, jumladan, matnli va ovozli xabarlar, shuningdek, fotosuratlar, videoroliklar va boshqa fayllarni foydalanuvchi qurilmasidan jo‘natishda avtomatik ravishda shifrlaydi.
“Siz xabarni jo‘natasiz, va uni o‘qishi mumkin bo‘lgan yagona kishi — siz xabarni yuborgan odam. Na kiberjinoyatchilar, na xakerlar va na bizning kompaniyamiz xabaringizning mazmunini bila oladi”, — deyiladi kompaniya blogida.
Yangilik barcha foydalanuvchilar uchun messenjer so‘nggi versiyagacha yangilangach, ochiq bo‘ladi va qo‘shimcha sozlashlarni talab qilmaydi.
Izoh (0)