Facebook 6 апрель, чоршанбадан бошлаб барча фойдаланувчилар учун янги хизмат — тўғридан-тўғри видеотрансляцияни ишга туширди. Бу ҳақда ижтимоий тармоқ асосчиси Марк Цукерберг ўз саҳифаси орқали маълум қилган, дея хабар беради «ТАСС».
«Видеороликларни яратиш, улар билан алмашиш ва реал вақтда кўриш имконини берувчи Facebook Live хизматини ишга туширмоқдамиз. Бу худди чўнтагингизда ҳар доим видеокамера бордек гап. Энди телефони бор ҳар қандай инсон дунё бўйича исталган кишиси билан видеоалоқага чиқиши мумкин», — дея таъкидлаган Цукерберг.
Facebook асосчиси яқин орада ўз саҳифаси орқали унга обуна бўлганлар билан тўғридан-тўғри эфирга чиқиб, видеотрансляция имкониятларини шахсан намойиш этиш ва компаниянинг янги хизмати ҳақидаги барча саволларга жавоб беришни ваъда қилди.