Zimbabve prezidenti Robert Mugabe 2018-yilda bo‘lib o‘tadigan davlat rahbarligiga saylovlarda o‘z nomzodini ilgari surishga tayyorligini bildirdi, deb yozadi “TASS”. U bu haqda Yaponiyaning “Sankey” gazetasiga bergan intervyusida aytib o‘tdi. Ayni paytda Mugabe Tokioda rasmiy tashrif bilan bo‘lib turibdi.
“Tarafdorlarim mening nomzodimni ilgari surmoqda, — dedi Zimbabvening 92 yoshli prezidenti. — Men tetikman. Agar xalq istasa, men o‘z majburiyatlarimni bajarishda davom etaman”.
Prezident G‘arbda muxolifatni yanchib tashlash va yakka hokimiyatchilik haqida paydo bo‘layotgan ayblovlarni rad etdi va ularni “Zimbabve xalqiga qaratilgan haqorat” deb atadi.
Robert Mugabe dunyodagi eng keksa davlat yetakchisidir, u o‘z mamlakatini 1980-yil — u mustaqil bo‘lganidan buyon boshqarib kelmoqda.
Izoh (0)