FlyDubai aviakompaniyasining Rostov-Donda qulagan Boeing 737 samolyoti, dastlabki ma’lumotlarga ko‘ra, texnik jihatdan soz bo‘lgan. Bu haqda Davlatlararo aviatsiya qo‘mitasi (DAQ) ma’lum qilgan, deya xabar beradi “Vedomosti”.
“‘Qora quti’lardagi ma’lumotlarning dastlabki tahlili natijalariga ko‘ra samolyot tizim va agregatlari, kuch qurilmalarida hech qanday nuqsonlar aniqlanmadi. Havo kemasi amaldagi uchishga yaroqlilik sertifikatiga ega bo‘lgan, zarur texnik xizmat ko‘rsatishdan o‘tgan va parvoz chog‘i kamchiliklardan xoli bo‘lgan”, — deyiladi DAQ xabarida.
Oldinroq OAVda “qora quti”lardagi muzokaralar yozuviga tayanib, samolyotni avtopilotda qo‘ndirishga bo‘lgan ikki urinishdan so‘ng qo‘lda boshqarish tartibiga o‘tish chog‘ida uchuvchilar kabinasida yuzaga kelgan mojaro haqida ma’lum qilingandi. Ekspertlar uchuvchilar Boeing 737 samolyotining qo‘nish tartibidan parvoz tartibiga o‘tish xususiyatlarini inobatga olmaganini bildirmoqda.
Izoh (0)