Chexiya prezidenti Milosh Zeman va Xitoy rahbari Si Szinpin 29-mart, seshanba kuni ikki mamlakat o‘rtasida strategik sheriklik haqidagi shartnomani imzoladi. Hujjat savdo-iqtisodiy, moliya-investitsiya va gumanitar sohalarda yaqin munosabatlar o‘rnatilishini ko‘zda tutadi, deya xabar beradi “TASS”.
“Shu yilning o‘zida Chexiya iqtisodiyotiga kiritilgan Xitoy investitsiyalari hajmi 95 milliard kronga (4 milliard dollar atrofida) yetadi”, deya ta’kidlagan Zeman o‘z navbatida Xitoy iqtisodiyotiga chex investitsiyalari kiritilishi oshishini ham bildirdi. Uning ma’lum qilishicha, “Shkoda” avtokonserni yaqin besh yil mobaynida Xitoy iqtisodiyotiga 60 milliard kron (taxminan 2,4 milliard dollar) kiritadi.
Si Szinpin ikki mamlakat hukumat idoralari va siyosiy partiyalari, shuningdek, Chexiya va Xitoy mintaqalari o‘rtasida hamkorlikni kuchaytirishga chaqirdi.
Izoh (0)