Vashingtonning sevimli vositasiga aylangan iqtisodiy sanksiyalar xuddi harbiy kuch kabi ehtiyotkorlik bilan qo‘llanilishi kerak, dedi AQSh moliya vaziri Jek Lyu PBS’ga bergan intervyusida. “Biz bu o‘sishning sekinlashuviga olib kelishi tufayligina, sanksiyalarni qo‘llashdan bosh torta olmaymiz, biroq biz ularga yengiltaklik bilan munosabatda bo‘la olmaymiz”, — deya uning so‘zlarini keltirdi “Vedomosti”.
Amerika moliya vazirligi rahbari Vashington sanksiyalarni jiddiy vosita deb hisoblashini, ulardan zarur paytda foydalanish uchun, ularning samaradorligini kelajakda ham saqlab qolish kerakligini ta’kidladi. Vaqt o‘tishi bilan ushbu ta’sir vositasi umumiy embargodan (Kubaga nisbatan joriy qilingan sanksiyalar kabi) ma’lum bir sektorga qaratilgan sanksiyalar (Rossiyaga nisbatan qo‘llanilgan sanksiyalar kabi) ko‘rinishiga o‘tdi.
“Sanksiyalar o‘zlari qo‘llanilgan hukumat siyosati bilan muvofiq tushishi kerak, — deya ta’kidladi vazir. — Agar ‘siyosatni o‘zgartiring, shunda biz sanksiyalarni bekor qilamiz’ degan tamoyil e’lon qilingan bo‘lsa, shunday bo‘lishi kerak. Bunday mukofotga o‘z yadro dasturini cheklashga rozi bo‘lgan Eronga nisbatan sanksiyalarning bekor qilinishini misol keltirish mumkin”.
Izoh (0)