АҚШда ичида 88 ёшли аёл бўлган автомобилни олиб қочган 14 ёшли ўсмир ҳибсга олинди. Бу ҳақда Motor хабар бермоқда.
Ўсмир машинани Чикаго яқинидаги Walgreens гипермаркети автотурагоҳидан ўғирлаб кетган. Жабрдийданинг яқинлари машинани қолдириб, дўконга кириб кетган, чиққанларида эса автомобиль ҳам, кекса аёл ҳам йўқ эди. Полициячиларнинг билдиришича, ёш жиноятчи аёлни тутқунликда ушлаб турмаган, уни уйигача олиб бориб, сўнг Чикагога йўл олган ва у ерда қўлга олинган.
News Channel 4 маълумотларига кўра, ўсмир сўнгги авлод Chevrolet Impala’ни олиб қочган ва унда аварияга учраган. Мазкур йўл-транспорт ҳодисасида полиция зобити ва 10 ёшли бола енгил жароҳат олган.
Маҳаллий ҳуқуқ-тартибот органлари жиноятчининг икки нафар шериги бўлганлиги ва улар олдин ҳам шу каби ўғриликларни содир этганини маълум қилмоқда.
Изоҳ (0)