Parij va Bryusselda teraktlarni tashkil qilgan terrorchilar tarmog‘i yo‘q bo‘lish arafasida turibdi, ammo tahdidli bo‘lgan boshqa bunday tarmoqlar ham mavjud. Bu haqda Fransiya prezidenti Fransua Olland ma’lum qildi, deb yozadi “TASS”.
“Ayni paytda operatsiya o‘tkazilmoqda, uning davomida Parij va Bryusselda teraktlarni tashkil qilgan terrorchilik tarmog‘i yo‘q qilinmoqda. Biroq biz terrorchilarning boshqa tarmoqlari ham borligini va terrorchilik xavfi saqlanib qolayotganini bilamiz”, — dedi Olland.
“Biz tahdid mavjudligini anglab yetgan holda urush tarqalishiga olib kelgan muammolarni tartibga solish niyatidamiz. Shu munosabat bilan, biz uchun eng muhim maqsad Suriya hisoblanadi. Ammo biz Iroq haqida ham, qochoqlar muammosi haqida ham unutganimiz yo‘q, bu biz uchun jiddiy mavzu, chunki 4 million nafar suriyalik qochoq bor”, — deya ta’kidladi prezident.
Izoh (0)