Suriya armiyasi jangchilari va ko‘ngillilar otryadlari Palmira janubidagi az-Ziraa maydonini ozod qildi va chekinayotgan IShID jangarilarini ta’qib qilmoqda. Bu haqda “TASS” xabar berdi.
SANA ma’lumotlariga ko‘ra, jangarilar Dedeman mehmonxonasi va telekommunikatsiya minorasi joylashgan balandlikdan surib chiqarilgan. Hukumat qo‘shinlari Palmira g‘arbidagi amir Faxriddin qal’asi yonida o‘rnashgan dushman marralarini uzluksiz o‘qqa tutmoqda.
Xoms viloyati gubernatori Talal al-Barraziyning bildirishicha, armiyaning yetakchi bo‘linmalari shahar markazidan taxminan bir kilometr berida turibdi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)