Сурия армияси жангчилари ва кўнгиллилар отрядлари Пальмира жанубидаги аз-Зираа майдонини озод қилди ва чекинаётган ИШИД жангариларини таъқиб қилмоқда. Бу ҳақда «ТАСС» хабар берди.
SANA маълумотларига кўра, жангарилар Dedeman меҳмонхонаси ва телекоммуникация минораси жойлашган баландликдан суриб чиқарилган. Ҳукумат қўшинлари Пальмира ғарбидаги амир Фахриддин қалъаси ёнида ўрнашган душман марраларини узлуксиз ўққа тутмоқда.
Хомс вилояти губернатори Талал ал-Барразийнинг билдиришича, армиянинг етакчи бўлинмалари шаҳар марказидан тахминан бир километр берида турибди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)