Sud Rossiya bojxona xizmatiga foydalanuvchisining yozishmalarini taqdim etmagan “Yandeks”ni oqladi

Bojxona xodimlariga “Yandeks. Pochta” foydalanuvchilaridan birining shaxsiy yozishmasini taqdim etishdan bosh tortish holati yuzasidan sudda “Yandeks”ning Rossiya federal bojxona xizmati ustidan qo‘li baland keldi. Bu haqda Meduza xabar bermoqda.

Qaror Moskvaning Xamovnicheskiy sudi tomonidan 22-mart kuni qabul qilindi. Mazkur qaror bilan “Yandeks”ga nisbatan chiqarilgan davlat idorasiga ma’lumot taqdim etmaganligi uchun ma’muriy huquqbuzarlik haqidagi moddani qo‘llash bo‘yicha qaror bekor qilindi.

Sud bahsiga Naxodka bojxonasining “Yandeks. Pochta” foydalanuvchilaridan birining bojxona to‘lovlaridan bo‘yin tovlash muhokama etilishi mumkin bo‘lgan yozishmasi yuzasidan so‘rovi sabab bo‘ldi. “Yandeks” ularni taqdim etishdan bosh tortgan, natijada kompaniya aybdor deb topilib, jarimaga tortilgandi.

Kompaniyada yozishmani taqdim etishdan bosh tortish bo‘yicha sud ishi “Yandeks” tarixida birinchi marta ro‘y bergani ta’kidlandi.