Toshkent bozorlaridagi yig‘imlar va ijara haqi miqdorlari tasdiqlandi

Toshkent shahar hokimi Toshkent shahridagi bozorlar va savdo majmualari ma’muriyati tomonidan tadbirkorlardan undirib olinadigan bir martalik yig‘imlar, ijara haqi va xizmat narxining yangi miqdorini belgilash haqida qaror qabul qildi, deb yozadi “Norma.uz”.

Qarorga muvofiq quyidagilar:

• bozorlar va savdo komplekslari ma’muriyati tomonidan undirib olinadigan bir martalik yig‘imlarning miqdorlari;
• “Iste’molda bo‘lgan transport vositalari va ehtiyot qismlar Sergeli bozori” MChJ tomonidan ko‘rsatilgan xizmatlar uchun undirib olinadigan to‘lovlar hamda ijara haqi miqdorlari;
• “O‘rikzor savdo kompleksi” MChJ tomonidan ko‘rsatilgan xizmatlar uchun undirib olinadigan to‘lovlar hamda ijara haqi miqdorlari;
• bozorlar va savdo komplekslarida inventarlarni ijaraga berish va ko‘rsatilgan xizmatlar uchun undirib olinadigan to‘lovlar hamda ijara haqi miqdorlari;
• bozorlar va savdo komplekslari balansidagi bino va inshootlardan foydalanganlik uchun ijara to‘lovlari miqdorlari;
• umumiy foydalaniladigan obyektlarni saqlash bo‘yicha ko‘rsatiladigan majburiy xizmatlar miqdori tasdiqlandi.