Qashqadaryo viloyatining Shahrisabz shahrida sayyohlar va tarixiy obidalarni tomosha qilishni istovchilar uchun tez orada elektromobillar ishga tushiriladi. Bu haqda “Qashqadaryo yangiliklari” gazetasiga Shahrisabz tuman obodonchilik boshqarmasi vakili Musurmon Begaliyev ma’lum qildi, deb yozadi “Gazeta.uz”.
2010-yildan buyon o‘n nafar yo‘lovchiga mo‘ljallangan bir nechta elektromobil Samarqandning markaziy qismida Registon majmuasi va Bibixonim madrasasi o‘rtasidagi piyodalar yo‘lagida harakatlanmoqda (rasmga qarang).
Ayni paytda Amir Temur vatani bo‘lmish Shahrisabzda 2014-yilda boshlangan keng ko‘lamli rekonstruksiya tugallanmoqda. Sohibqironning 9-aprelda nishonlanadigan 680 yilligi munosabati bilan shahar o‘n minglab yangi daraxt va boshqa o‘simliklar bilan bezatildi.
Izoh (0)