Futbol bo‘yicha Ispaniya La Ligasi 30-turini “Xetafe” — “Eybar” o‘yini boshlab bergandi. Turning 19-mart, shanba kungi uchrashuvlarida sensatsion natija qayd etildi.
Yevropa Chempionlar Ligasining chorak final bosqichi ishtirokchisi hisoblangan Madridning “Atletiko” klubi milliy chempionatda so‘nggi o‘rinda borayotgan Xixonning “Sporting” klubiga mag‘lub bo‘ldi.
Uchrashuvda hisob 29-daqiqada “Atletiko” hujumchisi Antuan Grizman tomonidan ochilgan bo‘lsa-da, 79-daqiqaga kelib Sanabriya hisobni tenglashtirdi, asosiy vaqt yakuniga 1 daqiqa qolganida “Sporting”ning boshqa bir futbolchisi Karlos Kastro g‘alaba to‘piga mualliflik qildi.
Shu tariqa, “Atletiko”ning olti turdan buyon davom etib kelayotgan mag‘lubiyatsiz seriyasiga yakun yasaldi. Jamoa so‘nggi bor 30-yanvar kuni “Barselona”ga 1:2 hisobida imkoniyatni boy bergan edi.
30 ta o‘yinda 67 ochko jamg‘argan “Atletiko” 75 ochko bilan peshqadam bo‘lib turgan “Barselona”dan keyingi o‘rinda bormoqda. 3-o‘rindagi “Real” hisobida 63 ochko mavjud. “Sporting” esa mamlakat chempionligi uchun kurashayotgan jamoani mag‘lub etib, 19-o‘ringa ko‘tarildi.
Ispaniya La Ligasi 30-tur uchrashuvlari 19 mart, shanba
“Sporting Xixon” — “Atletiko” 2:1 Gollar: Antuan Grizmann, 29 (0:1). Arnaldo Antonio Sanabriya, 79 (1:1). Karlos Kastro, 89 (2:1).
“Atletiko”: Yan Oblak, Hesus Games, Filipe Luis, Xose Mariya Himenes, Lukas-Fransua Ernandes, Matias Kranevitter, Koke, Saul, Antuan Grizmann (Fernando Torres, 63), Anhel Korrea (Gabi, 58), Lusiano Vetto (Xuanfran, 76).
Turning qolgan uchrashuvlari:
19-mart, shanba“Granada” — “Rayo Valyekano”“Real Sosyedad” — “Las-Palmas”“Deportivo” — “Levante”20-mart, yakshanba“Betis” — “Malaga”“Espanyol” — “Atletik”“Vilyareal” — “Barselona”“Valensiya” — “Selta”“Real” — “Sevilya”
Izoh (0)