Ahmadjon Musayev murabbiyligidagi O‘zbekiston U-17 terma jamoasi Yaponiyada davom etayotgan SANIX xalqaro turnirining guruh bosqichini muvaffaqiyatli yakunlagan edi. Bugun, 19-mart kuni jamoa avvaliga chorak, so‘ng yarim final o‘yinida maydonga tushdi, deb xabar beradi O‘FF rasmiy sayti.
Yaponiyaning mahalliy “Omiya Ardija U-17” jamoasi bilan chorak finalda to‘qnash kelgan Ahmadjon Musayev jamoasi 2:1 hisobida muvaffaqiyat qozondi. O‘zbekistonliklardan Islom Kenjaboyev va Muhammad-Yusuf Abdumajidov gollarga mualliflik qildi.
Kunning ikkinchi yarmida yarim final o‘yinlari bo‘lib o‘tdi. Yaponiyaning yana bir klubi — “Funbashi U-17”ga qarshi o‘yinda yangi tashkil etilgan O‘zbekiston terma jamoasi imkoniyatni boy berdi. Islom Kenjaboyev va Boburjon Asqarov tomonidan urilgan gollarga kunchiqar yurt jamoasi uch bor javob qaytardi.
O‘FF rasmiy sayti xabariga ko‘ra, Islom Kenjaboyev gol urgan 32-daqiqada o‘zbekistonlik boshqa bir futbolchi Muhammad-Yusuf Abdumajidov hakam tomonidan maydondan chetlatilgan.
Ertaga, 20-mart kuni O‘zbekiston terma jamoasi musobaqaning 3-o‘rin uchun uchrashuvida maydonga tushadi. Bo‘lajak raqib jamoa nomi haqida ma’lumot berilmagan.
SANIX xalqaro kubogi Chorak final 19-mart, shanba
O‘zbekiston U-17 – “Omiya Ardija U-17” 2:1 Gollar: Islom Kenjaboyev (35). Muhammad-Yusuf Abdumajidov (42).
O‘zbekiston U-17: 12. Umidjon Ergashev, 2. Burxon Usmonov, 3. Ilhomjon Alijonov 5. Xudoyshukur Sattorov, 6. Dostonbek Berdiqulov, 7. Boburjon Asqarov, 8. Jahongir Ahmedov, 15. Islom Kenjaboyev, 16. Suhrob Izzatov, 17. Afzaljon Xolmuhamedov, 19. Muhammad-Yusuf Abdumajidov.Zaxira: 1. Akrom Xo‘jayev, 4. Otabek Bekboyev, 9. Kamron Saidazimov, 10. Zokirjon Ahmadjonov, 11. Jahongir Abdua’lomov, 13. Abdullo Rahimjonov, 14. Jasur Rahimov, 18. Doniyor Azizov, 21. Javohir Qilichev.
Yarim final uchrashuvi 19 mart, shanba
O‘zbekiston U-17 – “Funbashi” U-17 (Yaponiya) 2:3 Gollar: Islom Kenjaboyev (32). Boburjon Asqarov (38).Chetlatish: Muhammad-Yusuf Abdumajidov (32).
O‘zbekiston U-17: 12. Umidjon Ergashev, 2. Burxon Usmonov, 3. Ilhomjon Alijonov 5. Xudoyshukur Sattorov, 6. Dostonbek Berdiqulov, 7. Boburjon Asqarov, 8. Jahongir Ahmedov, 15. Islom Kenjaboyev, 16. Suhrob Izzatov, 17. Afzaljon Xolmuhamedov, 19. Muhammad-Yusuf Abdumajidov.Zaxira: 1. Akrom Xo‘jayev, 4. Otabek Bekboyev, 9. Kamron Saidazimov, 10. Zokirjon Ahmadjonov, 11. Jahongir Abdua’lomov, 13. Abdullo Rahimjonov, 14. Jasur Rahimov, 18. Doniyor Azizov, 21. Javohir Qilichev.
Izoh (0)