Futbol bo‘yicha O‘zbekiston kubogi 1/16 final bellashuvlari 18-mart, juma kuni start oldi. Faqatgina bir uchrashuvdan iborat bu bosqichda Oliy Liga klublari, reglament bo‘yicha, Birinchi Liga vakillari maydonida kurash olib boradi, deya xabar bermoqda O‘zPFL matbuot xizmati.
18-mart kuni bo‘lib o‘tgan uchrashuvlarning natijalariga ko‘ra, “Qo‘qon-1912”, “Metallurg” va “Olmaliq” jamoalari keyingi bosqich yo‘llanmasini qo‘lga kiritgandi. Bugun, 19-mart kuni yana 1/16 final doirasida yana olti o‘yin bo‘lib o‘tdi.
Mazkur bosqichning o‘ziga xos juftligida Muborakning “Mash’al” jamoasi o‘z farm-klubiga qarshi saf tortdi. Asosiy va qo‘shimcha daqiqalarda asosiy tarkib futbolchilari yoshlar jamoasi darvozasiga yo‘l topa olishmadi. Qo‘shimchasiga Zohir Qo‘ziboyev 113-daqiqada qizil kartochka olib, maydonni tark etdi. Faqatgina penaltilar seriyasi “Mash’al”ni qutqarib qoldi.
Andijonda sensatsion natija qayd etildi — Oliy Liga vakili “Sho‘rtan” mahalliy “O‘zDongJu” klubiga imkoniyatni boy berdi. Uchrashuv taqdirini hal qilgan yagona gol 66-daqiqada Islombek Karimov hisobiga yozildi. Viloyatning Oliy Ligadagi vakili — “Andijon” esa Nemanya Yovanovichning dubli evaziga Zomindan g‘alaba bilan qaytdi.
Ertaga, 20-mart kuni 1/16 finalning qolgan uchta o‘yini bo‘lib o‘tadi.
O‘zbekiston Kubogi—2016 1/16 final bosqichi 18-mart, juma“NBU-Osiyo” — “Qo‘qon-1912” 2:3 (asosiy vaqt — 2:2, qo‘shimcha vaqt — 0:1)“Xotira-79” — “Metallurg” 0:3“Nurafshon” — “Olmaliq” 0:2 (asosiy vaqt — 0:0, qo‘shimcha vaqt — 0:2)
19-mart, juma“Oq-tepa” — “Obod” 0:5“O‘zDonJu” — “Sho‘rtan” 1:0“Sementchi” — “Navbahor” 2:3“Mash’al-2” — “Mash’al 0:0 (penaltilar seriyasi — 7:8)“Zomin” — “Andijon” 0:2“Qizilqum” — “Orol” 5:0
20-mart kuni o‘tkaziladigan uchrashuvlar ro‘yxati“Yozyovon-Lochinlari” — “Buxoro”“Dinamo” — “Neftchi”“Paxtakor-2” — “So‘g‘diyona”
Izoh (0)