APL, 31-tur. “Arsenal” safarda “Everton”ni mag‘lub etdi

Futbol bo‘yicha Angliya Premyer-ligasi (APL)ning 31-turida Londonning “Arsenal” jamoasi Liverpulning “Everton” klubi ustidan 2:0 hisobida g‘alaba qozondi. Bu haqda APL rasmiy sayti xabar bermoqda.

“Arsenal” APLning so‘nggi uch turida g‘alaba qozona olmagan edi. Barcha musobaqalarni qo‘shib hisoblaganda, London klubi so‘nggi sakkiz bellashuvning faqatgina bittasida zafar quchgan edi.

“Gudison Park” stadionida kechgan o‘yinda “Arsenal” muvaffaqiyatsiz yurishiga chek qo‘ydi. Denni Uelbek va Aleks Ayuobi tomonidan kiritilgan ikki gol “Arsenal”ga g‘alaba keltirdi.

30 o‘yinda 55 ochko jamg‘argan “Arsenal” Premyer-liga turnir jadvalida 3-o‘rinni egallab turibdi. Peshqadam “Lester” 63, “Tottenxem” 58 ochkoga ega. “Everton” esa 38 ochko bilan 12-o‘rindan joy olgan.

Angliya Premyer-ligasi31-tur uchrashuvi19-mart, shanba

“Everton” — “Arsenal” 0:2

“Everton”: Xoel Baskes, Sheymus Koulman, Leyton Beyns, Fil Jagelka, Ramiro Mori, Muhammad Beshich (Jon Stouns, 46), Aaron Lennon, Jeyms Makkarti, Ross Barkli (Herard Deulofeu, 73), Tom Kleverli, Romelu Lukaku.

“Arsenal”: David Ospina, Ektor Belerin, Nacho Monreal, Gabriel Paulista, Loran Kosyelni, Muhammad El-Nenni, Fransis Koklen, Mesut O‘zil (Kiran Gibbz, 74), Aleks Ayuobi (Kalum Chembers, 86), Denni Uelbek (Olivye Jiru, 75), Aleksis Sanches.

31-turning qolgan o‘yinlari 19—20-mart kunlari bo‘lib o‘tadi:

19-mart, shanba“Kristal Pelas” — “Lester”“Vest Bromvich” — “Norvich”“Uotford” — “Stok Siti”“Chelsi” — “Vest Xem”“Suonsi” — “Aston Villa”

20-mart, yakshanba“Sautgempton” — “Liverpul”“Nyukasl” — “Sanderlend”“Tottenxem” — “Bornmut”“Manchester Yunayted” — “Manchester Siti”