Futbol bo‘yicha Germaniya Bundesligasi 27-turida “Bavariya” Kyoln” ustidan g‘alaba qozondi. Tur uchrashuvlari “Shalke” va “Borussiya Myunxengladbax” uchrashuvi bilan boshlangani haqida avvalroq xabar berilgan edi.
“Kyoln” mehmoni bo‘lgan “Bavariya” hujumchi Robert Levandovskining 10-daqiqada kiritgan yagona goli evaziga zafar quchdi. Bu polshalik hujumchining Bundesliga doirasidagi 26-o‘yindagi yigirma beshinchi goli bo‘ldi.
Levandovski Bundesliga to‘purarlari poygasidagi eng yaqin ta’qibchisi — “Borussiya Dortmund” hujumchisi Per-Emerik Obameyangni 3 ta golga ortda qoldirmoqda.
Bundesliganing kuchli uchligida borayotgan Berlinning “Gerta” klubi mavsumdagi o‘n to‘rtinchi g‘alabasini qo‘lga kiritdi — liga debyutanti “Ingolshtadt” 2:1 hisobida mag‘lub etildi.
Yevropa Chempionlar Ligasidagi ishtirokini davom ettirayotgan “Volfsburg” 27-tur natijasiga ko‘ra 7-o‘ringa ko‘tarilib olishi mumkin edi. Biroq Diter Xekking jamoasi o‘z maydonida “Darmshtadt”ni mag‘lub eta olmadi.
Andre Shyurrlening mavsumdagi beshinchi goli “Volfsburg”ni mag‘lubiyatdan qutqarib qoldi. Shuningdek “Maynts” klubi ham 2 ochko boy berib, Chempionlar Ligasiga yo‘llanma beruvchi 4-o‘ringa ko‘tarilish imkoniyatini hozircha yo‘qqa chiqardi.
Germaniya Bundesligasi 27-tur uchrashuvi 18-mart, juma
“Shalke” — “Borussiya Myunxengladbax” 2:1 Gollar: Xinteregger, 59, avtogol (1:0). Kristensen, 79 (1:1). Goretska, 83 (2:1).
19-mart, shanba “Kyoln” — “Bavariya” 0:1 Gol: Robert Levandovski, 10 (0:1).
“Bavariya”: Manuel Noyer, Rafinya, David Alaba, Xuan Bernat, Xabi Alonso (Arturo Vidal, 54), Joshua Kimmix, Sebastyan Rode (Filipp Lam, 78), Tyago Alkantara, Duglas Kosta (Frank Riberi, 72), Kingsli Koman, Robert Levandovski.
“Gamburg” — “Xoffenxaym” 1:3 Gollar: Andrey Kramarich, 20-pen (0:1). Kevin Folland, 23 (0:2). Aaron Xant, 30-pen (1:2). Eduardo Vargas, 67 (1:3).
“Gerta” — “Ingolshtadt” 2:1 Gollar: Genki Xaragusi, 54 (1:0). Salomon Kalu, 69 (2:0). Lukas Xinterzer, 75 (2:1).
“Volfsburg” — “Darmshtadt 1:1 Gollar: Sandro Vagner, 82 (0:1). Andre Shyurrle, 90+3 (1:1).
“Verder” — “Maynts” 1:1 Gollar: Yulian Baumgartlinger, 38 (0:1). Klaudio Pisarro 45+3-pen (1:1).
Turgan qolgan uchrashuvlari
19-mart, shanba“Ayntraxt” — “Gannover”20-mart, yakshanba“Shtutgart” — “Bayer”“Augsburg” — “Borussiya Dortmund”
Izoh (0)