Футбол бўйича Испания Ла Лигаси 30-турини «Хетафе» — «Эйбар» ўйини бошлаб берганди. Турнинг 19 март, шанба кунги учрашувларида сенсацион натижа қайд этилди.
Европа Чемпионлар Лигасининг чорак финал босқичи иштирокчиси ҳисобланган Мадриднинг «Атлетико» клуби миллий чемпионатда сўнгги ўринда бораётган Хихоннинг «Спортинг» клубига мағлуб бўлди.
Учрашувда ҳисоб 29-дақиқада «Атлетико» ҳужумчиси Антуан Гризман томонидан очилган бўлса-да, 79-дақиқага келиб Санабрия ҳисобни тенглаштирди, асосий вақт якунига 1 дақиқа қолганида «Спортинг»нинг бошқа бир футболчиси Карлос Кастро ғалаба тўпига муаллифлик қилди.
Шу тариқа, «Атлетико»нинг олти турдан буён давом этиб келаётган мағлубиятсиз сериясига якун ясалди. Жамоа сўнгги бор 30 январь куни «Барселона»га 1:2 ҳисобида имкониятни бой берган эди.
30 та ўйинда 67 очко жамғарган «Атлетико» 75 очко билан пешқадам бўлиб турган «Барселона»дан кейинги ўринда бормоқда. 3-ўриндаги «Реал» ҳисобида 63 очко мавжуд. «Спортинг» эса мамлакат чемпионлиги учун курашаётган жамоани мағлуб этиб, 19-ўринга кўтарилди.
Испания Ла Лигаси 30-тур учрашувлари 19 март, шанба
«Спортинг Хихон» — «Атлетико» 2:1 Голлар: Антуан Гризманн, 29 (0:1). Арналдо Антонио Санабрия, 79 (1:1). Карлос Кастро, 89 (2:1).
«Атлетико»: Ян Облак, Ҳесус Гамес, Филипе Луис, Хосе Мария Ҳименес, Лукас-Франсуа Эрнандес, Матиас Краневиттер, Коке, Сауль, Антуан Гризманн (Фернандо Торрес, 63), Анҳел Корреа (Габи, 58), Лусиано Ветто (Хуанфран, 76).
Турнинг қолган учрашувлари:
19 март, шанба«Гранада» — «Райо Вальекано»«Реал Сосьедад» — «Лас-Палмас»«Депортиво» — «Леванте»20 март, якшанба«Бетис» — «Малага»«Эспаньол» — «Атлетик»«Вильяреал» — «Барселона»«Валенсия» — «Сельта»«Реал» — «Севилья»
Изоҳ (0)