“Boing” halokati sabab, Rostovda 20-mart motam kuni deb e’lon qilindi

Rossiyaning Rostov viloyatida Boeing aviahalokati qurbonlari xotirasi uchun 20-mart, yakshanba kuni motam kuni deb e’lon qilindi. Bu haqda, “RBK” xabariga ko‘ra, viloyat gubernatori Vasiliy Golubyev ma’lum qildi.

“20 mart motam kuni deb e’lon qilindi. Hukumat halok bo‘lganlarning qarindoshlariga yordam ko‘rsatadi”, — dedi gubernator.

Xabar berishlaricha, halok bo‘lganlarning aksariyati Rostov viloyatida istiqomat qiluvchi fuqarolar bo‘lgan. Qurbonlar orasida O‘zbekiston fuqarosi ham borligi aytilmoqda.

Eslatib o‘tamiz, FlyDubai aviakompaniyasiga tegishli Boeing 737-800 layneri 19-mart, shanba kuni Rostov-Don aeroportiga qo‘nish vaqtida halokatga uchradi. Hodisa oqibatida samolyot bortida bo‘lgan barcha halok bo‘lgan.

• Rostov-Donda qulagan “Boing”