Oyni o‘zlashtirishning birlamchi bosqichi — katta bo‘lmagan doimiy baza qurilishi nisbatan qimmat bo‘lmagan va tezkor loyiha bo‘lishi mumkin. NASA ekspertlari, jumladan, astrobiolog Kris Makkey shunday xulosaga kelgan, deya xabar beradi “Interfaks”.
New Space jurnalida e’lon qilingan maqolada Makkey shunday loyihaga oid hisob-kitoblarni keltirgan. Unga ko‘ra, baza qurilishi 10 milliard dollarga tushishi (bu zamonaviy aviatashuvchi narxidan ham arzonroq) va 2022-yil oxiriga qadar yakunlanishi mumkin.
Oydagi faoliyat tajribasidan olimlarni Yerning yo‘ldoshidan ko‘ra ko‘proq qiziqtiradigan Marsdagi tadqiqotlarda ham foydalanish ko‘zda tutilgan. NASA rejalariga Marsga 2030-yillarda amalga oshirilishi mo‘ljallangan inson ishtirokidagi parvoz kiritilgan.
Makkey va uning hamkasblari loyihasida bir jamoaning Oyda doimiy istiqomat qilishi ko‘rsatib o‘tilmagan: tarkib yilda bir necha bor o‘zgarishi mumkin, shu bilan birga, bazaning o‘zi doimiy tarzda ishlaydi.
Izoh (0)