Россиянинг Ростов вилоятида Boeing авиаҳалокати қурбонлари хотираси учун 20 март, якшанба куни мотам куни деб эълон қилинди. Бу ҳақда, «РБК» хабарига кўра, вилоят губернатори Василий Голубев маълум қилди.
«20 март мотам куни деб эълон қилинди. Ҳукумат ҳалок бўлганларнинг қариндошларига ёрдам кўрсатади», — деди губернатор.
Хабар беришларича, ҳалок бўлганларнинг аксарияти Ростов вилоятида истиқомат қилувчи фуқаролар бўлган. Қурбонлар орасида Ўзбекистон фуқароси ҳам борлиги айтилмоқда.
Эслатиб ўтамиз, FlyDubai авиакомпаниясига тегишли Boeing 737-800 лайнери 19 март, шанба куни Ростов-Дон аэропортига қўниш вақтида ҳалокатга учради. Ҳодиса оқибатида самолёт бортида бўлган барча ҳалок бўлган.
Изоҳ (0)