16-martning e’tiborga molik yangiliklari — “Daryo”ning kechki dayjestida.
1. BMT mutaxassislari O‘zbekistonni MDHdagi eng baxtli davlat deb topdi. O‘zbekiston jahonning eng baxtli davlatlari reytingida 49-o‘rinni egalladi.
2. AQSh Rossiyani IShIDni bombardimon qilishda davom etishga chaqirdi. Jurnalistlarning hisob-kitobiga ko‘ra, Rossiyaning Suriyadagi operatsiyasi kamida 546 million dollarga tushgan, terrorchilar esa Rossiya qo‘shinlari chiqib ketishi bilan, Suriyaga hujum boshlanishini e’lon qilib bo‘ldi.
3. Toshkentda 1-apreldan sovuq suv narxi oshadi. Avvalroq 1-apreldan issiq suv narxi oshishi haqida xabar berilgan edi.
4. Ravon Nexia Rossiya bozorida taxminan 2016-yil iyulida sotuvga chiqadi. Avtomobilni seriyali ishlab chiqarish va eksport qilishni boshlash 2016-yil ikkinchi choragiga mo‘ljallangan.
5. Toshkent moliya institutida FIFA referisi Ravshan Ermatovga o‘zining byusti topshirildi. “Endi biror bir davlatga ketsam, ushbu byust ayolimga meni eslatib turadi”, — dedi Ermatov.
Izoh (0)