O‘zbekiston Sog‘liqni saqlash vazirligi BMT Aholishunoslik jamg‘armasidan chaqaloqlarni tashish uchun ikkita tez yordam mashinasiga ega bo‘ldi, deya xabar bermoqda “Gazeta.uz”. Mashinalarni topshirish marosimi 15-mart, seshanba kuni bo‘lib o‘tdi.
Har bitta avtomobil yangi tug‘ilgan chaqaloqlar uchun inkubator apparati hamda ona va bolani tibbiy muassasaga yuqori malakali yordam ko‘rsatish uchun olib ketish vaqtida zarur bo‘ladigan barcha kerakli uskunalar bilan jihozlangan.
Respublika perinatal markazi uchun avtomobillarning sotib olinishi Sog‘liqni saqlash vazirligi va BMT Aholishunoslik jamg‘armasi hamkorligining uchinchi dasturi doirasida amalga oshirildi, u O‘zbekistonga ona va bola salomatligini muhofaza qilish bo‘yicha sifatli xizmatlarni keng ko‘lamda ko‘rsatishga qaratilgan milliy rejalarni amalga oshirishda yordam bermoqda.
Izoh (0)