Samvel Babayan O‘zbekiston termasining Filippin va Bahraynga qarshi o‘yinlar uchun kengaytirilgan tarkibini ma’lum qildi

Futbol bo‘yicha O‘zbekiston milliy terma jamoasi bosh murabbiyi Samvel Babayan JCh–2018 ikkinchi saralash bosqichi doirasidagi so‘nggi ikki o‘yin uchun chaqirilgan futbolchilarning kengaytirilgan ro‘yxatini ma’lum qildi. Bu haqda O‘zbekiston futbol federatsiyasi matbuot xizmati xabar bermoqda.

O‘zbekiston milliy terma jamoasi Filippin va Bahraynga qarshi o‘yinlari uchun kengaytirilgan tarkibi quyidagicha ko‘rinish oldi:

Darvozabonlar: Aleksandr Lobanov (“Persepolis”, Eron), Ignatiy Nesterov (“Lokomotiv”), Eldor Suyunov (“Nasaf”).

Himoyachilar: Davron Hoshimov (“Paxtakor”), Anzur Ismoilov (“Chanchun Yatay”, Xitoy), Yegor Krimets (“Beyjin Goan”, Xitoy), Islom To‘xtaxo‘jayev (“Lokomotiv”), Kamoliddin Tojiyev (“Paxtakor”), Vitaliy Denisov (“Lokomotiv”, Rossiya), Oleg Zoteyev (“Lokomotiv”).

Yarim himoyachilar: Javohir Sohibov (“Paxtakor”), Odil Ahmedov (“Krasnodar”, Rossiya), Azizbek Haydarov (“Ash-Shabob”, BAA), Fozil Musayev (“Sepahon”, Eron), Sardor Rashidov (“Al-Jaish”, Qatar), Sanjar Tursunov (“Umm-Salal”, Qatar), Stanislav Andreyev (“Paxtakor”), Otabek Shukurov (“Bunyodkor”), Server Jeparov (“Lokomotiv”), Jasur Hasanov (“Lokomotiv”), Doston Hamdamov (“Bunyodkor”), Sanjar Shoahmedov (“Lokomotiv”), Eldor Shomurodov (Bunyodkor”), Sardor Mirzayev (“Lokomotiv”), Jaloliddin Masharipov (“Paxtakor”), Jamshid Iskanderov (“Paxtakor”).

Hujumchilar: Aleksandr Geynrix (“Ordabasi”, Qozog‘iston), Igor Sergeyev (“Paxtakor”), Marat Bikmayev (“Lokomotiv”).

Ta’kidlash kerakki, O‘zbekiston milliy terma jamoasining Jahon chempionati–2018 ikkinchi saralash bosqichi doirasidagi so‘nggi ikki o‘yinni Toshkentdagi “Bunyodkor” stadionida o‘tkaziladi. O‘zbekiston milliy terma jamoasining 24-mart kuni Filippinga qarshi hamda 29-mart kuni Bahraynga qarshi bo‘ladigan o‘yinlari 18:00 da start oladi.

Eslatib o‘tamiz, so‘nggi ikki o‘yin oldidan O‘zbekiston terma jamoasi olti uchrashuv o‘tkazib, 15 ochko to‘plagan holda “H” guruhida ikkinchi o‘rinni egallab turibdi. Guruhda hozircha 7 uchrashuvda 16 ochko jamg‘argan KXDR terma jamoasi peshqadamlik qilmoqda.

JCh–2018 ning Osiyo qit’asidagi uchinchi saralash bosqichiga 12-aprel kuni qur’a tashlanadi.