Самвел Бабаян Ўзбекистон термасининг Филиппин ва Баҳрайнга қарши ўйинлар учун кенгайтирилган таркибини маълум қилди

Футбол бўйича Ўзбекистон миллий терма жамоаси бош мураббийи Самвел Бабаян ЖЧ–2018 иккинчи саралаш босқичи доирасидаги сўнгги икки ўйин учун чақирилган футболчиларнинг кенгайтирилган рўйхатини маълум қилди. Бу ҳақда Ўзбекистон футбол федерацияси матбуот хизмати хабар бермоқда.

Ўзбекистон миллий терма жамоаси Филиппин ва Баҳрайнга қарши ўйинлари учун кенгайтирилган таркиби қуйидагича кўриниш олди:

Дарвозабонлар: Александр Лобанов («Персеполис», Эрон), Игнатий Нестеров («Локомотив»), Элдор Суюнов («Насаф»).

Ҳимоячилар: Даврон Ҳошимов («Пахтакор»), Анзур Исмоилов («Чанчун Ятай», Хитой), Егор Кримец («Бейжин Гоан», Хитой), Ислом Тўхтахўжаев («Локомотив»), Камолиддин Тожиев («Пахтакор»), Виталий Денисов («Локомотив», Россия), Олег Зотеев («Локомотив»).

Ярим ҳимоячилар: Жавоҳир Соҳибов («Пахтакор»), Одил Аҳмедов («Краснодар», Россия), Азизбек Ҳайдаров («Аш-Шабоб», БАА), Фозил Мусаев («Сепаҳон», Эрон), Сардор Рашидов («Ал-Жаиш», Қатар), Санжар Турсунов («Умм-Салал», Қатар), Станислав Андреев («Пахтакор»), Отабек Шукуров («Бунёдкор»), Сервер Жепаров («Локомотив»), Жасур Ҳасанов («Локомотив»), Достон Ҳамдамов («Бунёдкор»), Санжар Шоаҳмедов («Локомотив»), Элдор Шомуродов (Бунёдкор»), Сардор Мирзаев («Локомотив»), Жалолиддин Машарипов («Пахтакор»), Жамшид Искандеров («Пахтакор»).

Ҳужумчилар: Александр Гейнрих («Ордабаси», Қозоғистон), Игорь Сергеев («Пахтакор»), Марат Бикмаев («Локомотив»).

Таъкидлаш керакки, Ўзбекистон миллий терма жамоасининг Жаҳон чемпионати–2018 иккинчи саралаш босқичи доирасидаги сўнгги икки ўйинни Тошкентдаги «Бунёдкор» стадионида ўтказилади. Ўзбекистон миллий терма жамоасининг 24 март куни Филиппинга қарши ҳамда 29 март куни Баҳрайнга қарши бўладиган ўйинлари 18:00 да старт олади.

Эслатиб ўтамиз, сўнгги икки ўйин олдидан Ўзбекистон терма жамоаси олти учрашув ўтказиб, 15 очко тўплаган ҳолда «Ҳ» гуруҳида иккинчи ўринни эгаллаб турибди. Гуруҳда ҳозирча 7 учрашувда 16 очко жамғарган КХДР терма жамоаси пешқадамлик қилмоқда.

ЖЧ–2018 нинг Осиё қитъасидаги учинчи саралаш босқичига 12 апрель куни қуръа ташланади.