Taniqli amerikalik bokschi, superog‘ir vaznda sobiq jahon chempioni Mayk Tayson Nevada shtati Las-Vegas shahrida joylashgan uyini sotuvga qo‘ydi, deya xabar bermoqda “TASS” mahalliy OAVlarga tayanib.
Qariyb 600 kvadrat metr maydonni egallagan ikki qavatli shohona apartamentlarda beshta yotoqxona, oltita vannaxona, kinoteatr, bir nechta kamin, vino saqlanadigan yerto‘la, shuningdek jakuzi va sharsharasi bo‘lgan basseyn bor.
49 yoshli Tayson bu uyda 2008-yildan buyon yashab kelmoqda. Yil boshida u uyni kapital ta’mirlagan va endi u uchun 1,5 million dollar so‘ramoqda.
Tayson bu uy yaqinidan boshqa, kattaroq uy olib ko‘chib o‘tgani tufayli, eski uyini sotishga qaror qilgan.
Izoh (0)