Meksikada neft qazib chiqarishning yirik markazlari sanaladigan Verakrus, Kampeche va Tabasko shtatlarida oxirgi yil davomida 40,5 ming kishi uglevodorod narxlarining keskin pasayishi va ularni ishlab chiqarish hajmi kamayishi tufayli ishdan mahrum bo‘ldi. Bu haqda “TASS” xabar bermoqda.
Mazkur raqamlarni keltirgan Ijtimoiy sug‘urta instituti ma’lumotlariga ko‘ra, ushbu mintaqalardagi ish o‘rinlari soni 1,104 milliondan 1,064 milliongacha qisqargan. Eng murakkab vaziyat esa Verakrus shtatida kuzatilgan.
Mamlakatda neft va gaz qazib chiqarish bilan Pemex davlat kompaniyasi shug‘ullanadi. 2015-yil yakunlari kompaniyaning salkam sakson yillik tarixidagi eng yomon natija bilan yakunlandi: 30 milliard dollardan ziyod zarar ko‘rildi. Dunyo neft bozoridagi vaziyat tufayli Pemex joriy yilda xarajatlarni 100 milliard pesoga (5,52 milliard dollar) kamaytirib, 143 ming nafar ishchi-xodimlari o‘rtasida qisqartirish o‘tkazadi.
Izoh (0)