Amerikaliklar orasida koinotda bo‘lishi bo‘yicha rekordchi hisoblanadigan astronavt Skott Kelli iste’foga chiqishini ma’lum qildi. Bu haqda Meduza xabar bermoqda.
Astronavt 1-apreldan e’tiboran NASA’dagi faoliyatini yakunlasa-da, uzoq vaqt mobaynida koinotda bo‘lishning inson organizmiga ta’sirini o‘rganishga qaratilgan tibbiy tadqiqotlardagi ishtirokini davom ettiradi.
Skott Kelli boshchiligidagi Xalqaro koinot stansiyasi (XKS) ekipajining salkam bir yillik ekspeditsiyasi 2016-yil 2-mart kuni yakuniga yetgandi. U rossiyalik kosmonavt Mixail Korniyenko bilan orbitada 340 kun bo‘ldi. Bu bir martalik safar uchun amerikalik astronavtlar orasida rekord sanaladi. Kelli XKSdagi to‘rtta ekspeditsiyasi davomida koinotda jami 520 kun bo‘ldi va bu muddat ham amerikaliklar uchun rekord hisoblanadi.
Izoh (0)