Rossiya tashqi ishlar vazirligi sobiq matbuot vaziri, Rossiya prezidenti sobiq maslahatchisi Mixail Lesinning AQShdagi vafoti sabablari haqidagi axborotning to‘g‘riligini rasman tasdiqladi, va Vashingtondan ish bo‘yicha ma’lumot taqdim etishni so‘ramoqda. Bu haqda TIV vakili Mariya Zaxarovaning bayonotiga tayanib, “Vedomosti” xabar bermoqda.
“Men OAVlarda AQShdagi mas’ul vakillar va tergov vakillariga tayangan holda paydo bo‘lgan xabarlarni ko‘rdim, ularda Rossiya fuqarosi o‘limini keltirib chiqargan sabablar haqida aniq va ancha puxta ma’lumotlar topilgani aytiladi... Biz tekshirib ko‘rdik, ushbu xabarlar rost bo‘lib chiqdi”, — dedi Zaxarova.
Rossiya bosh prokurori Yuriy Chayka AQSh bosh prokurori — adliya vaziri Loretta Linchga Lesinning o‘limi haqidagi ish bo‘yicha hujjatlarni taqdim etish haqida so‘rov jo‘natdi.
Eslatib o‘tamiz, Rossiya Federatsiyasi matbuot ishlari bo‘yicha sobiq vaziri Mixail Lesin 2015-yil 5-noyabrda Vashingtonda vafot etgan edi. 5-noyabr kuni ertalab u to‘xtagan shahar markazidagi “Dyupon syorkl” mehmonxonasi xizmatchisi uni o‘lik holda topgan.
2016-yil martida esa AQSh sud-tibbiy ekspertizasi Rossiya matbuot ishlari sobiq vaziri Mixail Lesinning boshiga yetkazilgan jarohatlar uning o‘limiga sabab bo‘lgan degan xulosaga kelgani xabar qilindi.
Izoh (0)