Dunyodagi eng yirik oziq-ovqat va ichimliklar ishlab chiqaruvchilaridan biri bo‘lgan Nestle SA konserni tarkibida shisha bo‘lishi ehtimoli tufayli qator mahsulotlarni chaqirib olmoqda, deb yozadi “Review.uz”.
Qaytarib olinadigan mahsulotlar orasida cheklangan sondagi DiGiorno, Lean Cuisine va Stouffer’s mahsulotlari bor. Qadoqning yon tomonida ko‘rsatilgan muayyan ishlab chiqarish kodlariga ega mahsulotlar chaqirib olinadi. Kompaniyada hozircha jabrlanganlar haqida ma’lumotlar yo‘q.
Nestle bayonotida aytilishicha, bir necha iste’molchi kompaniyaga ushbu mahsulotlarning ba’zilarida kichik shisha bo‘laklari topilganini ma’lum qilgan.
Izoh (0)