Venesuela parlamentini boshqaruvchi muxolifat 10-mart, payshanba kuni prezident Nikolas Maduroning iste’fosi bo‘yicha referendum o‘tkazish haqidagi qonun loyihasini birinchi o‘qishdayoq ma’qulladi, deya xabar bermoqda “RIA Novosti”.
Yaqin kunlarda tashabbus Milliy assambleyada ikkinchi, oxirgi marta ko‘rib chiqiladi. Qonun loyihasiga qarshi hukumatparast deputatlar ovoz berdi, biroq ularning ovozlari ovoz berish natijasiga ta’sir qila olmadi.
“Biz uchun mamlakat ‘gumburlab’ ketmasligi muhim, shuning uchun referendum haqida qonun qabul qilib, shu yil tinch va konstitutsiyaviy yechimga kelmoqchimiz, ijtimoiy portlash bo‘lishini istamaymiz, buni hech kim xohlamaydi”, — dedi muxolifat deputati Xuan Migel Mateus.
Venesuelada hukumatning qonun chiqaruvchi va ijro etuvchi tarmoqlari o‘rtasidagi nizolar yanvarda — parlamentda saylov yakunlariga ko‘ra, ko‘pchilik o‘rnini muxolifat kuchlari egallaganidan so‘ng yuzaga kelgan edi.
Izoh (0)